حیض کیا ہے؟
- حیض (یا ماہواری) کسی خاتون کے جسم میں چکر سے متعلق ہارمونی تبدیلیوں کی وجہ سے لگاتار خون بہنے کو کہتے ہیں
- جب بچی پیدا ہوتی ہے، تو اس کی بیضہ دانیوں میں پہلے ہی سے ملینوں ناپختہ کار بیضے ہوتے ہیں۔ بلوغت کے وقت، مہینے میں ایک بار ان میں سے دسیوں ہارمونی ہیجان کے تحت بڑھنا شروع کردیں گے۔ عام طور پر، بیضہ دانی میں صرف ایک بیضہ پختگی کو پہنچتا ہے اور وہ ہر چکر میں رحم مادر میں چلا جاتا ہے (جسے اخراج بیضہ کہا جاتا ہے)
- اسی دوران، حمل کی تیاری کے لیے رحم مادر زیادہ موٹا ہوجاتا ہے۔ اگر بیضہ زرخیز نہیں ہے، تو یہ حیض کے خون کے طور پر پیٹ کے اضافی ٹشو استر کے ساتھ اندام نہانی سے باہر نکل جائے گا۔ پھر، حیض کا دوسرا چکر دوبارہ شروع ہوتا ہے
لڑکی کو کس عمر میں ماہوری آنے لگتی ہے؟ کس عمر میں ماہواری بند ہوتی ہے؟
اکثر لڑکیوں کو تقریبا 11 – 12 سال کی عمر میں ماہواری آنی شروع ہوتی ہے۔ اکثر خواتین کے لیے، قدرتی طور پر 45 – 55 سال کی عمر کے درمیان حیض آنا بند ہوتا ہے۔ اس مرحلے میں، ماہواری مستقل طور پر بند ہوجاتی ہے (سن یاس) اور خواتین اب مزید بچہ پیدا کرنے کی صلاحیت نہیں رکھتی ہیں
کیا یہ ضروری ہے کہ مجھے ہر مہینہ ماہواری آ ہی جائے؟
- نہیں، ہر خاتون کو ہر مہینہ ماہواری نہیں آتی ہے۔ کسی بھی خاتون کا چکر اس کی کیفیت کے اعتبار سے مختلف ہوسکتا ہے
- حیض کا چکر 21 – 35 دنوں تک جاری رہ سکتا ہے۔ چکر کی طوالت کی صراحت ماہواری کے پہلے دن سے لے کر اگلی ماہواری کے پہلے دن کے درمیان کے دنوں کی تعداد کے طور پر کی جاتی ہے
مثلا:
پچھلی ماہواری کا پہلا دن: 1 جولائی
موجودہ ماہواری کا پہلا دن: 29 جولائی
چکر کی طوالت: 28 دن
جنسی طور پر سرگرم کسی بھی خاتون میں حمل کے امکان پر غور کیا جاسکتا ہے۔ اگر آپ کو ماہواری نہیں آئی ہے، تو براہ کرم اپنی نگہداشت صحت کے فراہم کنندگان سے صلاح لیں۔
- ان لڑکیوں میں، جن کے حیض کی شروعات ہوئی ہے اور سن یاس کو پہنچنے والی خواتین میں بے ضابطہ ماہواریاں آسکتی ہیں
- مخصوص کیفیات ہارمونی عدم توازن کے ساتھ وابستہ ہوسکتی ہیں، جو سلسلہ وار بے ضابطہ ماہواریوں کا سبب بنتی ہیں۔ ان میں شامل ہے:
- زیادہ وزن یا کم وزن
- کھانے کی بد نظمیاں (جیسے بھوک مرجانا)
- تھکا دینے والی ورزش
- تناؤ
- مخصوص ادویات (جیسے مانع حمل انجکشن)
- منشیات کا غلط استعمال
- دودھ پلانا
- دیرینہ امراض، ہارمونی گڑبڑیاں (جیسے کثیر تھیلیوں پر محیط و مشتمل بیضہ دانی کا سنڈروم، تھائی رائیڈ کی بیماری وغیرہ)
- ایسی کیفیات جو بچہ دانی کے عمل کو متاثر کرتی ہیں
- رحم مادر کے استر میں غیر طبعی حالت، پولپس، رحم کی گردن یا اندام نہانی کے انفیکشن کی وجہ سے، یا رحم کی گردن کے کینسر وغیرہ کی وجہ سے ماہواریوں کے درمیان اندام نہانی سے خون بہہ سکتا ہے۔ اس پر بسا اوقات ‘بے ضابطہ ماہواری’ کا شبہ ہوسکتا ہے
کیا مجھے بھاری ماہواری ہوئی ہے؟
- بھاری ماہواریوں کا مطلب ہے حیض کے خون بہنے کی شدت یا طوالت میں اضافہ
- آپ کو بھاری ماہواریوں کا سامنا کرنا پڑ سکتا ہے اگر:
- آپ کی ماہواری 7 دنوں سے زیادہ جاری رہتی ہے (اکثر خواتین کی ماہواری 2 – 7 دنوں تک جاری رہتی ہے)
- آپ کو ہر 1 – 2 گھنٹے میں دیرپا اور بہت زیادہ جذب کرنے والے پیڈز کو تبدیل کرنے کی ضرورت پڑتی ہے
- آپ کے جسم سے خون کے بڑے بڑے لوتھڑے نکل رہے ہیں
- آپ کے جسم سے سیال نکل رہے ہیں (یعنی اچانک بڑی مقدار میں خون نکلنا جو آپ کے زیر جامہ اور کپڑوں میں جذب ہوجاتا ہے)
- آپ کو پیڈ بدلنے کے لیے رات میں بار بار جاگنے کی ضرورت پڑتی ہے
- پیڈ / پھاہا استعمال کرنے کے باجود، سونے کے دوران آپ کی بیڈ شیٹ پر خون لگ جاتا ہے
- آپ کی بھاری ماہواری سے آپ کے کام، خاندانی زندگی اور معاشرتی زندگی پر اثر پڑ رہا ہے
- آپ کو اپنی ماہواری کے دوران اور اس کے بعد چکر، سانس پھولنے اور تھکن کا احساس ہوتا ہے
- ماہواری کے درد کیا ہیں؟
- ماہواری کا درد اکثر ماہواری آنے سے ٹھیک پہلے یا اس کے آغاز پر شروع ہوتا ہے۔ عام طور پر نچلے پیٹ میں ہلکے تا شدید درد کا احساس ہوتا ہے
- بھاری خون آنے کے وقت عام طور پر درد زیادہ ہوتا ہے
- درد پیٹ کی گڑبڑی کے ساتھ وابستہ ہوسکتا ہے جیسے قیئ یا پتلا پاخانہ کرنا
- ماہواری کے درد 2 طرح کے ہوتے ہیں
| جو طبی کیفیت کی وجہ سے نہیں ہوتا | جو کسی بنیادی کیفیت کی وجہ سے ہوتا ہے |
| عام طور پر نوجوان خواتین میں ماہواری کی شروعات کے فورا بعد ہوتا ہے | یہ ورم درون رحم، پیڑو کے انفیکشن، درون رحمی مانع حمل آلہ وغیرہ کے استعمال جیسی کیفیات سے پیدا ہوسکتا ہے |
| خاتون کی عمر بڑھنے کے ساتھ یا بچہ جننے کے بعد درد کم ہوجاتا ہے یا یہاں تک کہ غائب بھی ہوجاتا ہے | درد حیض کے چکر کے کسی بھی وقت واقع ہوسکتا ہے |
| 1 – 3 دنوں تک جاری رہتا ہے | انہیں اندام نہانی سے بدبو دار مواد یا بخار کا سامنا کرنا پڑسکتا ہے |
| گرم پٹی استعمال کرنے یا عام پین کیلرز لینے سے درد سے آرام مل جاتا ہے | جنسی تعلق کے دوران درد کا احساس ہوسکتا ہے |
| جو خواتین باضابطہ طور پر ورزش کرتی ہیں، انہیں ماہواری میں کم درد ہوتا ہے | ممکن ہے کہ عام پین کیلرز لینے سے درد سے آرام نہ ملے |
| بنیادی سبب کے علاج سے درد کم کرنے میں مدد ملتی ہے |
اگر آپ کو مندرجہ ذیل میں سے کوئی بھی علامت ہو، تو اپنے ڈاکٹر کو دکھائیں:
- آپ کی عمر 16 سال ہے اور آپ کی ماہواری شروع نہیں ہوئی ہے
- آپ کی ماہواری اچانک بے ضابطہ ہوگئی ہے
- ماہواریوں کے درمیان اندام نہانی سے خون بہتا ہے
- ایک سال سے زیادہ تک آپ کی ماہواری بند رہنے کے بعد اندام نہانی سے خون بہتا ہے
- ماہواری کا درد جو 40 سال کی عمر میں یا اس کے بعد شروع ہوتا ہے
- حیض کا چکر 21 دنوں سے کم ہے
- بھاری ماہواری (سوال 4 دیکھیں)
- شدید درد والی ماہواری / پیٹ درد
- آپ کی ماہواری ایک سال سے زیادہ تک رکی رہی ہے لیکن آپ کی عمر 45 سال سے کم ہے